暑假.....完了~~

整個7月就是左食&訓之中渡過, 仲有的就是夜晚去上堂, 去左一次"地獄谷"既duty~

8月20日:

一個好嚇人的生日蛋糕, 象徵住小弟又老一歲

8月21日:

去左"馬交"打左個轉, "威尼斯人"真係好大好大囉, 點解香港就無d咁好玩既地方~~仲有點解macau好似每一日都係度長大緊咁架??? 澳門真係超級好的地方, 考慮下移民過去都唔錯!!!

8月31日:
暑假最後一擊,去左ambulance attachmnent, 好難得有機會可以幫手take vital sign;  對救護工作係絕對敬佩的, 除左隨時stand-by要"去車", 返shift之外, 仲要食唔定時~~~ "細時唔讀書, 大時做運輸"雖然係佢地既口禪,不過我覺得佢地讀既書比任何一個大學生要多囉.

沖出新界西,小弟都係第一次去左沙田PWH,好遙遠呀!!!

p.s. 今個月會係一個好關鍵性既月份

6月基本上每一日唔係落雨就係勁曬,不過當然最精彩既就係掛左個8號風球啦, 好似好多年都未試過好似今次呢個風打得咁應啦~

6月1日
一朝早就出左去總部幫隔鄰總區比賽做helper, 其實都無乜野特別野做,唯一要做既野就係好似幫d小朋友整亂曬d玩具之後去幫佢地執返咁, 人地比賽完DMA之後就幫佢地執返d equipment; 本來唔係好想返去的但係有得簽full-day, 最重要既係有得睇下人地隊比賽既情況係點樣,因為每次自己比賽基本上都係唔知自己做過d乜野就話times up 啦~~ 總結成日所見既野就係自己既skill仲有好大既進步空間!!!

6月8日
又係朝早就出街,返荃灣,可以話係放暑假之前既最後一個regular training, 本來22號先至係last day既, 係果日係joint training 所以今日就變左last啦, 無乜野攪都係練下log-roll & footdrill 咁, 但係就早左半個鐘走人因為下晝係home nursing 既考試, 所以有特別permit可以早走去食飯~~ 下晝先考筆試, 個份paper淺到無讀過既人都會pass囉; 之後係舖床完全無難度囉不過d時間就趕左少少咁, and then 係生命表徵, 認instrument 同埋洗傷口, 呢3part都係唔知自己做緊咩既情況之下完成, 不過無所謂啦不求distinct但求pass 咋~~~個日最後攪到成夜晚10點先至有得走囉, 攰到想死咁樣囉出左街成日先有得返屋企, 好彩係放緊暑假咋.

6月22日
保守估計當日氣溫大約係33度, 紫外線指數above11, 新界西既總區聯合訓練就係呢個"萬里無雲"既天氣底下進行, 個日基本上做既野就係不斷咁暴曬&"查"防曬囉, 如果唔係既話唔變"紅人"都一定變左"炸子雞"...........

荃灣區仝人大合照 (自己都差d搵唔到自己!!!!!!)

另外, 6月中無啦啦又話要補返之前禽流感停課, 返左幾日功課輔導又有幾百蚊落袋啦!!!!

p.s.暑假要努力減肥呀!!!!!!!

漫長既五月.........原本以為5月應該係好得閒既, 但係依家睇返個schedule 先至發現原來5月比起4月仲要忙好多囉, 真真正正係"爆schedule"!!!  最慘情既係5月呢個又熱又潮濕既月份真係攪到個人好唔願郁囉~~~

5月8日:
第一次既仁濟醫院A&E duty, 多野做又唔係話好多野做,不過就好少時間可以坐係度休息,基本上開左工之後就不斷咁走來走去; 見到救護車入左來過床就幫個IC手推patient去A&E 入面, 幫手拎下牌板去triage, 推下patient去x-ray房, 唔係話好困難不過d床就好大張又好重,有幾次差少少就整到條腰~~ 係A&E真係好多野可以見到囉, 乜野千奇百怪既野都有,絕對係一個學野既好地方.

5月25日:
城門谷泳池, 再一次貫徹左"地獄谷"呢個如雷貫雨既大名, 本來時間長都唔係一個問題因為可以同人傾下計,寫下野, d時間好快就過啦~~ 不過話到明係"地獄谷"去得就當然唔會有好日子過啦, 唔係好慘架咋壞冷氣之嘛, 樂觀d睇啦好過上年架啦今年放左把大風扇係度仲要晏晝落左陣雨, 好過上年好多架啦~~ 但係好衰唔衰唔知邊個講左"天下太平"呢4隻字之嘛, 轉頭就已經有野做仲要係call埋車個隻喎,跟著咪一大堆paperwork囉; 所以要記著係其他地方都無問題, 係"地獄谷"唔到off-duty都唔好亂講野, 因為呢到係"地獄谷"...............

5月28日:
kc"碼頭幫"既gathering, 自從唔知幾時約人既重任落左係我身上開始, d gathering已經由per season 轉左做 per annual 啦, 哈哈哈!!!! 好耐都無約過出來啦, 對上一次應該係年三十晚啦, 今次去左個新既聚腳點___"海翠新星",不過主角都依然係四季火鍋, 貪佢氣氛好嘛~~ 久未露面既ballot都有來仲係度講佢d英法奇遇, 最爆笑就係個法文粗口囉, 又order"雞子"來食話好補喎係度叫人地食, 不過下次先叫我食啦, 我暫時都無咁既需要&勇氣囉~~~~

5月既其他時間基本上就係返工+night trainig 啦, 星期一至星期五都係咁(5天工作嘛!!!), weekend 就用來抖大氣啦, 不過都好終於都可以離開果個係長沙灣既鬼地方啦, 以後都唔使再返去啦, 應該係話果個係一個有$$$$俾你都唔想返去既地方, it sucks~~~

本來以為6月尾可以去馬術返intern的, 不過佢依家都無call 來就應該係收左皮"無行"啦, 來緊有三個月既暑假睇怕都應該係時候再去upgrade下自己, 因為好似好耐都無搵自己麻煩啦, hahaha!!!!

p.s.順其自然啦,  let it happen and you will find out the answer,有d野唔諗好過諗!!!

放假啦!!!~~~~ 終於捱過左最忙既4月可以享受一下悠長既暑假啦.

4月20號:
去北潭涌郊野公園當更, 其實都預左無咩野做,因為之前個日3號風球, 天文台預測會"狂風驟雨", 不過當日既天氣係陽光燦爛, 燦爛到可以曬死人咁樣囉. 成日加埋得幾個case, 之後跟車返左總部直落去比賽既footdrill加操~~

北潭涌post + AM5025

4月22號:
ISE212 既sem-end test, 基本上都無乜點樣溫過書, 仲要tip錯題目, 明明話focus係"畫graph"個part既嘛, 點解會出左"theory"個part的???!!!! 不過都nevermind 啦, 發揮"吹水"神功答埋曬d唔等使既野曬下個tutor去睇份paper既時間都好架~~

4月23號:
普通話要返去聽seminar, 超級樣衰囉~~~兩班加埋成40人返得個十幾個人, 俾著你係個講者你都會唔高興啦, 仲要個seminar係自己department hold 個囉, 咁樣都俾面返來坐下來緊個兩年想有太平日子過都應該會幾難囉, 唔通真係要攪到好小學生咁take attendence好咩???"面"呢d野你唔俾人,人地又點會同你客氣.........

4月25號:
 year1 既last day,又係普通話不過今次係presentation, 早左半個鐘返到去present既課室準備,不過present個時講既野加埋都好似唔夠3分鐘咁~~~見到兩個tutor入課室, 兩個人都係兩手空空咁入來都心知不妙啦, 好彩之前個晚執定部notebook 差足曬電, 原本預部機最多玩兩個半鐘度就無電,不過最後部機都超額運作左3個鐘 好光榮咁完成左year1, 不過都係快d買返部eeePC啦, 依家呢部實在係太重太唔方便啦~~~

4月28號:
新界西總區比賽既大日子,忙左成個4月都係為左呢一日,5點幾就起身7點3度出到去總部練左一轉footdrill之後就係hall 等, 要等到差唔多11:15先到我地個隊, 成朝早就係度幫人地"刷鞋"啦, inspection對鞋"令"d高分d嘛, 自己個對就之前個晚已經"刷"定左啦~~~今年比賽個氣氛都唔錯呀,感覺上係成team人都好齊心!!!

亞軍有個盾,來緊一年唔使俾人"照"可以有平安日子過啦~~!!!

今年暑假應該唔會去搵工啦,搵得咁辛苦先至返得個兩個月,而且夜晚又要上堂, 最緊要就係好想放假, 今個暑假點都要"抖"返夠本啦~~~

p.s.5月17號轉peoples, 要sms我就自備$0.5~~ peoples真係平過3hk好多囉,有剩個d夠食好多餐啦!!!

今個week 無ISE lecture所以星期一,二都唔使返學, so可以夜一夜都唔訓晏一晏先起身都無問題, 雖然有少少罪疚感因為交足學費又成日唔使上堂, 但係呢d咁舒服既日子真係唔係日日有, 所以有既時候就要好好咁"叉足電", 如果唔係之後既日子都唔知點捱~~

3月30號: 去左係07/08財政年度既最後一個duty, 4月1號就要從頭計過個16個鐘啦~~ 去左以為今年無得當既"荃灣華永", 朝早5點幾就起身出門口 去到荃灣mtr station再轉巴士. 基本上個日都係天下太平既唔算好多野做, 但係就有一個case 要抬人,係現場環境既限制&幾十級樓梯&極度悶熱既情況下,基本上係一路做野一路滴汗囉, 差d連自己都要跟埋白車走~~

4月4號: 清明去掃墓, 今年感覺上係熱d但係條路就乾d無咁容易跣腳啦, 不過沿路行過都見到上次山火燒到濃曬既樹.

4月9 號: 基本上係完全唔係抱著返學心態既情況之下返學,全部既精神都集中曬係夜晚既考試度, 之前兩日亦都係係度溫個考試~ 朝早GE堂除左睇報紙既時間&同PRS答問題既時候,其餘時間就係溫書, 落堂食完breakfast去左library又係溫書, 上普通話堂又係溫書不過就有d心散因為掛住係求玩, then 之後IC堂又係一有空閒時間就溫書~~ 講返個考試啦, 50條MC question, 限時30分鐘, 大部份都係問埋d chemical 既野, 我tip題tip曬trauma個part 所以係無咩信心合格的. 不過好好彩岩先上網睇成績既時候榜上有名,可以去讀I-7, 不枉之前個幾日既勤力,haha~~~

今日上ISE 247 lab, 返9點半本來想遲到的, 但係俾人嘈醒左又見差唔多時間所以反而係早左出門口, 一上車就即刻"補覺"啦, 難得今日架車又唔多人喎, 一路訓到尖東先起身, 勁鍾意巴士d櫈囉超舒服直頭有唔落車既衝動, 點解學校唔換曬d櫈做巴士個喎????依家個d坐到腰都赤埋, 顧下d老人家既感受好唔好...........上ISE堂又係hea, 食飯之後去左table tennis, 打到個膝蓋依家都仲有d攰攰地既感覺

 
從日本遠道而來的手信, 全EEMers都有份,在此謝過Marquis小姐

p.s."愛不到至會更想愛,抱緊了你卻又無心裝載" 我會不會是這樣的一個人??????